هدية....... و غير متوقعة؟؟؟؟

الكلام الجامد أوى دا كان هو الهدية الغير متوقعة اللى استقبلتها النهاردة
قررت انى انزلها هنا علشان دى مكتوبه لشخصى و ذاتى العليا :)
فقولت أكتب يا زمان سجل يا تاريخ
اللى كاتبلى الكلام دا شخص عزيز عليا جداً لما عرفته عرفت ان معرفة الناس ممكن تكون مش بالوقت
أنا بحب الشخص دا جداً جداً جداً جداً
و بشكر الفرصة الغريبة اللى عرفتنى عليه
رامى

مرسي كتير يا جميييييييل

بحبك يا اجمل و ارق ملاك فى الكون

بحبك انا و بعشق اجمل عيون

و عشقى ليكى عشق واحد مجنون

و عشان بعشقك كل حاجه عشانك تهون

بحبك و حبى ليكى مش حب عادى

ده حب جامد اكتر من حبى للزبادى

ولو تطلبى عنيا هديهوملك وانا راضى

ده انتى دنيتى و حياتى و فؤادى

اه لو تعرفى انا اد ايه دايب فى حبك

و اد ايه ببقى سعيد و انا جنبك

و لو اقدر احط قلبى جوا قلبك

عشان يبات قلبى كل ليله فى حضنك

لو تعرفى انتى ليكى جوايا كلام كتير

كلام و مشاعر وحب بجد كبير

بحبك ومن سعادتى انا بطير

بحس انى حر فى سما قلبك الكبير

ياللا كفايه بقى كده حب فيكى

ده انا هتجنن من كتر حبى ليكى

كل مشاعرى و احاسيسى بتناديكى

بتقولك الحقى رامى بيحبك و روحه فيكى